Nellik

Lenge sidan eg har blogga. Tida strekk ikkje til då eg for tida har ein jobb som opptek veldig mykje av tida mi. For nokon dagar sidan fekk eg tid å knipse nokon fargerike bilete eg tok då eg hadde pynta huset med nellikar. Syns dette er ein fin og veldig holdbar blomst! God ny veke til deg!

Meir sommar

Mange gode minner frå sommaren i år, både frå turar i nærområde og i frå tur til varmare strøk. No er vi klare for skulestart! Håper sommaren din har vore fin.

Sommaren hittil

Nokon glimt frå vår sommar hittil. Ikkje til å legge skjul på at det har regna mykje i sommar på Sunnmøre. Men nokon gode dagar har vi hatt innimellom. Tall Ship Race i Ålesund, sommarfesten på Giske, kafebesøk og sommarbåten i Ulsteinvik er nokon av høgdepunkta hittil. Håper du har ein god sommar der du er!

Ranunklar i hus!

Til helga unte eg meg ein nydelig bukett med ranunklar, dette er virkelig ein  favorittblomst! Herlige fargar, som gir meg energi å sjå på.  Eg har byrja i ny jobb og har difor ikkje tid til så mykje blogging for tida. Ønskjer alle ei fin ny veke!

Male eller ikkje male? Treng råd!

 

Eg har eit kjøken som byrjar å bli slitt. Vurderer nye dører/frontar, men dette blir kostbart. Så lurer på å male sjølv. Nokon som har erfaring med dette og kan råde eller fraråde meg til å gjere det? Redd det blir veeldiig mykje jobb!! Og vil det halde? Kva type maling er bra å bruke? Tek gjerne i mot tips om fargeval også, no er det ein slags gråkvit farge, men kva med å male lys turkis for eksempel? Blir ein lei det på sikt kanskje? Mest trygt å male lyst, men når ein fyrst skal fornye kunne det vere gøy med litt forandring også. Takknemlig for råd! (Ps. Kjøkenbildet er ikkje nytt og ikkje av beste kvalitet, måtte berre ha det med for å vise litt av kjøkenet)

Nydeleg vårdag

I dag har vore ein nydelig vårdag på Sunnmøre. Vi har vore på tur med "Barnas Turlag" og kosa oss ute med grilling og oppdagingsferd mellom bakkar, berg og gamle tun. Dei første snøklokkene er plukka og solstrålane har gitt varme og påfyll til ei ny veke.

Nib-utfordring mars bidrag 2

Denne lilla benken har eg vist på bloggen eit  antall gonger før, og var difor usikker på om eg skulle ta den med igjen. Men den er så fin og eg likar den så godt, så deltek herved igjen på månedens Nib-utfordring : "Vakker fornying med Lady maling". Benken vart kjøpt på loppemarked for litt under 100 kroner og har fått 2 strøk av malinga "supreme finish" som gir ekstra glans. Fargen meiner eg heiter plomme. Krakken ved sidan av benken er og malt med Lady maling, denne i ein lys turkistone men med meir matt maling. De turkise skapet som er på eine bildet er malt med ein enda lysare turkistone, men også denne med Lady-maling. Ønsker alle ein fargerik dag!

Nib-utfordring: Vakker fornying med Lady-maling

Månedens utfordring hjå Nib er "Vakker fornying med Lady maling". Eg har mange bruktmøblar i heimen som eg har pussa opp og fornya med nettop Lady maling. Dette vesle bordet var i si tid i bruk på eit tannlegekontor. Då eg arva det var det i naturfarge men slitt i lakken. Eg pussa det ned og fornya det med ein frisk gulfarge, skifta knott og vips hadde eg eit nytt møbel. Ønsker du å sjå andre bidrag i utfordringa så klikk her.

God helg

Vil med desse bilda ønske alle ei god helg! Blomstrane er 14 dagar gamle, har hatt dei heilt sidan eg var bursdag, heilt utrulig! Sjølv fekk eg ei god nyheit denne veka, fekk tilbud om ein jobb eg hadde veldig lyst på, gler meg til å starte opp i midten av mars. Så går nye og spennende tider i møte!

Følg meg på instagram

 

 

 

Eg har endeleg komt meg på instagram. Nokon smakebitar frå augneblikk ute og inne deler eg med dokke her. Bloggen vil framleis vere den viktigaste arena for meg når det gjeld foto og skriving. Om du ønsker å følgje meg blir eg glad for det! Send forespørsel på instagram til det_gode_rom.

 

Omaggio

Eg har lenge hatt lyst på den berømte Omaggio-vasen. For pengar eg fekk i bursdagsgåve har eg endeleg fått den i hus. Når eg stod i butikken var det vanskeleg å velge farge. Det stod i hovudsak mellom rosa og turkis, og valget vart turkis. Passar godt inn i interiøret mitt, og passar dessutan godt til ulike fargar blomster. Ønsker alle ei god helg!